"මාව ඉතාම වැරැදි චෝදනා යටතේ නිරපරාදේ සිරගත කරලා තියෙනවා. ඒක නිවැරැදි කරන්නේ කවුද? නිවැරැදි කරන්නේ කොහේදිද? දැන් ඒක ගැන කියන්න තියෙන්නේ දෙවියන්ට පමණයි. කරුණාකරලා ඒක
නිවැරැදි කරන්න කටයුතු කරන්නැයි
ඉල්ලා සිටිනවා" යැයි බන්ධනාගාරගතව සිටින බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියෝ ඊයේ (26දා) හෝමාගම අධිකරණ භූමියේදී පැවැසූහ.
ඉකුත් 2012 වර්ෂයේ දිනෙක දක්ෂිණ අධිවේගී මාර්ගයේ කොට්ටාව පිවිසුමේදී එහි රාජකාරී කළ පොලිස් නිලධාරීන්ට හා අධිවේගී මාර්ග සේවකයන්ගේ රාජකාරියට බාධා කිරීමේ චෝදනාව යටතේ හෝමාගම මහෙස්ත්‍රාත් අධිකරණයේ විභාග වන නඩු කටයුත්තක් සඳහා පෙනී සිට නැවත බන්ධනාගාරයට යෑම සඳහා බන්ධනාගාර බස් රථයට ගොඩවන අවස්ථාවේදී උන්වහන්සේ එලෙස පැවැසූහ.
-චම්පා ජීවන්ති- (Gossip Lanka)
0 comments:
Post a Comment