සංචාරක හා වනජීවී කැබිනට් ඇමැති ධුරයෙන් ඉල්ලා අස්වන බව පැවැසූ පාර්ලිමේන්තු මන්ත්‍රී වසන්ත සේනානායක මහතා ජනාධිපති කාර්යාලයේ ඊයේ (21) උදෑසන පැවැති කැබිනට් සාකච්ඡාවට පැමිණ තිබේ. ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් උදෑසන 9.30ට පමණ සතියේ සුපුරුදු කැබිනට් සාකච්ඡාව ආරම්භ වී ඇත.
අමාත්‍ය වසන්ත සේනානායක මහතා සාමාන්‍ය පරිදි කැබිනට් සාකච්ඡාවට එක්වී ඇති අතර අමාත්‍ය මණ්ඩලයේ කිසිවකුත් ඔහුට විරුද්ධත්වයක් දක්වා නොමැත.
සංචාරක හා වනජීවී කැබිනට් ඇමැතිධුරයේ දිවුරුම් දුන් වසන්ත සේනානායක මහතා පසුගිය 14දා පැවැති පාර්ලිමේන්තු සැසිවාරයෙන් පසුව සිය ඇමැතිධුරයෙන් ඉල්ලා අස්වන බව පැවැසීය. තමාගේ අස්වීමේ ලිපිය ජනාධිපතිවරයා වෙත යොමුකරන බවද ඔහු එදින පැවැසීය. වසන්ත සේනානායක මහතා සිය අමාත්‍ය ධුරයෙන් ඉල්ලා අස්වී නොමැති බවත් ඔහු සුපුරුදු පරිදි අමාත්‍යධුරයේ රාජකාරී කරන බවත් කම්කරු හා ඛනිජ තෙල් අමාත්‍ය ගාමිණී ලොකුගේ මහතා අප කළ විමසුමකදී පැවැසීය.
Lakbima online
0 comments:
Post a Comment